СЛУЖБА ХЕМАТОЛОШКО-БИОХЕМИЙСКЕЙ ЛАБОРАТОРИЇ
Адреса: Площа Ошлєбодзеня 9, Кула
Телефон: 025/ 723-333 локал 102
Руководитель: Струґар др Стана
Роботни час: (роботни днї): — перша смена: од 7,00 до 14 годзин
РЕНТҐЕНОЛОШКЕ ОДЗЕЛЄНЄ
Руководитель: Перуничич др Мария
Роботни час: (роботни днї): од 7,00 до 13 годзин
Телефон: 025/ 723-333 локал 101
У рамикох служби функционую:
— СЛУЖБА ХЕМАТОЛОШКО-БИОХЕМИЙСКЕЙ ЛАБОРАТОРИЇ
Служба хематолошко-биохемийскей лабораториї окончує биохемийни анализи, приготовенє реаґенси и контролу у цеку роботи биохемийних, хематолошких и других лабораторийних анализох
Лаборатория
Лаборатория роби анализи предвидзени правилнїком за даванє услуги у примарней здравственей защити дзе ше применюю найновши методи випитованя биолошкого материялу зоз одвитуюцу опрему зоз котру управя фахови кадер. Маме три биохемийни анализатори хтори робя 240 анализи на годзину, три хематолошки анализатори прейґ хторих ше добиваю анализи комплетней кревней слики и диференциялна кревна слика билих кревних заренкох зоз трома параметрами (еозинофили и моноцити виражую ше як МИД вредносц), єден коаґулометер на котрим ше робя фибриноґени и протромбински час, другу провадзацу опрему, аналитична и технїчна ваґа, ролери, центрифуґи, водене купатило, аутоматски пипети, микроскопи итд. Шицки апарати вимагаю каждодньове отримованє и окремни процедури скорей пущаня до роботи.
Єдна од обовязкових роботох то и робота контролного серума познатих вредносцох за биохемию и хемостазу и контролна крев за хемотолоґию. Резултати контролох ше преверюю и каждодньово евидентираю.
Наглашуєм же ше у лабораториї од 2010. року робя и цервикални и ваґинални препатрунки як цитоскрининґ (ПАПАНИКОЛАУ), на опреми купеней лєм за тоту намену а препатрунки окончую за то фахови лаборанти зоз Сримскей Каменїци.
Амбуланта Сивец ма лабораторию у котрей ше окончую препатрунки урину, комплетней кревней слики и седиментация а узорки за биохемию ше до Кули посилаю два раз тижньово.
Амбуланта Руски Керестур ма лабораторию у котрей роби єден лаборант препатрунки урину и седиментацию а кревни слики и биохемию посила до Кули раз тижньово.
У амбуланти у Червинки ше каждодньово окончи приєм пациєнтох и узорки ше посилаю до Кули.
Лаборатория ма орґанизовану роботу на терену — пондзелок, стреду и штварток ше виходзи на терен пациєнтом котри биваю у Кули, вовторок у Руским Керестуре и Крушчичу а пияток у Липару.
Кадри
У лабораториї Дома здравля у Кули роби єден биохемичар специялиста биохемиї руководитель лабораторийней служби, и 14 лаборанти од котрих два зоз вишу стручну спрему од котрих єден окончує роботу главного лаборанта. По єден лаборант стално розпоредзени у лабораторийох амбулантох у Сивцу и у Руским Керестуре и єден лаборант хтори роби на шалтеру.
ОДЗЕЛЄНЄ РАДИОЛОҐИЇ И УЛТРАЗВУЧНЕЙ ДИЯҐНОСТИКИ
У рамикох Одзелєня радиолоґиї и ултразвучней дияґностики окончую ше препатрунки:
— Рендґен скопия орґану по систему и нативни знїмок зоз цильовану ґрафию
— Рендґен скопия пасажу єдняку, ґастродуоденума, пасажу ценкого черева зоз цильовану ґрафию зоз контрастом
— Рендґен ґрафия локомоторного систему, ґрафия плюца, телерадиоґрафия плюца, торакса у єдним наприяме
— Рендґен ґрафия локомоторного систему, тораксу
— Краниоґрам лобанї по Тауну, пирамида, мастоида, Sella Turcica, орбита носней косци, зиґоматичних косцох, темпоромандибуларних зґлобох, часц похребцини у максималней флексиї лєбо максималней екстензиї, зґлобу кука у абдукциї, тунелски знїмок колєна, петней косци аксиялно, макрорадиоґрафия;
— Зложени рендґен знїманя при политраумох и других комплесксних хоротох, дияґностика знїманя пре даванє конзилиярного думаня
— Ултразвучни препатрунок горнього абдомену (печинка, жучна кеса, панкреас), ултразвучни препатрунок уротракта, ултразвучни препатрунок лимфних жлєздох по системох, ултразвучни препатрунок тестица, кукох, колєна, ултразвучни препатрунок маґистралних кревних судзинох шиї, артериї горнїх екстремитетох, венох, абдоминалней аорти
— Зложени ултразвучни знїмки при политраумох и других комплексних хоротох, обробок за конзилиюм.
